Sekretari francez i Shtetit për Çështjet Evropiane, Harlem Desir viziton Tiranën në 30-31 mars
Sekretari i Shtetit për Çështjet Evropiane i qeverisë Franceze, Harlem Desir, do të zhvillojë një vizitë zyrtare në Tirane, më 30 dhe 31 mars, në kuadrin e përgatitjes së Samitit të Parisit mbi Ballkanin Perëndimor.
Ambasada franceze në Tiranë bën të ditur se tema kryesore do të jetë implementimi i vendimeve të Konferencës së Vjenës dhe pritshmëritë e Konferencës së Parisit.
Më 31 mars ora 11:00, Desir do te organizojë një konferencë shtypi në Ambasadën Franceze, në lidhje me vizitën e tij.
Procesi i Berlinit është nismë e kancelares së Gjermanisë, Angela Merkel, me qëllim të ofrimit të mbështetjes politike dhe financiare për shtetet e Ballkanit Perëndimor në procesin e integrimit evropian. Procesi, filloi me Konferencën e Berlinit në vitin 2014, për të vazhduar me Samitin e Vjenës që u mbajt në gusht të 2015 dhe këtë vit vijon me Konferencën e Parisit.
