Sekuestrohet pallati 11-katësh, ekspertët e prokurorisë e gjejnë të mbyllur zyrën e Shpëtim Gjikës

Gjykata e Vlorës ka pranuar kërkesën e prokurorisë dhe ka vendour sekuestrimin e pallatit 11 katësh në Vlorë për të cilin u vu në pranga kreu i bashkisë së qytetit Shpëtim Gjika.

Ekspertët e prokurorisë kaun shkuar edhe në ambientet e bashkisë, me qëllim hyrjen e në zyrën e  kryebashkiakut Gjika ku mendohet të sekuestrohen dosjet e ndërtimit të pallatit, por dera e zyrës ka qenë e mbyllur dhe asnjë punonjës i bashkisë nuk e dispononte çelësin.

Shpëtim Gjika u arrestua me akuzën e falsifikimit të dokumenteve dhe shpërdorimit të detyrës lidhur me ndërtimin e një pallati 11-katësh në ‘Sheshin e Flamurit’. Bashkë me të u vu në pranga edhe drejtoresha e Planifikimit dhe Kontrollit të Territorit, Doriana Sulaj dhe biznesmeni Artur Haxhi. Një ditë më parë gjykata ndryshoi masën e sigurisë ndaj Shpëtim Gjikës në detyrim paraqitjeje për shkak të problemeve shëndetësore që kryebashkiaku shfaqi pak orë pas arrestimit.