Serbia i dërgon Francës kërkesën për ekstradimin e Haradinajt

Ministria serbe e Drejtësisë i ka dërguar sot autoriteteve franceze kërkesën për ekstradimin e ish-kryeministrit kosovar, Ramush Hardinaj.

Mediat serbe raportojnë se bashkë me kërkesën për ekstradim janë dërguar dhe dokumentet mbështetëse të përkthyera në gjuhën frënge në bazë të cilit sistemi francez i drejtësisë do të vendosë nëse plotësohen kushtet për ekstradimin e Haradinaj në Serbi.

Me këtë vendim pritet përshpejtimi i procedurës në rastin Haradinaj, ndërkohë që ai ndodhet në paraburgim, pasi gjykata kërkoi fakte shtesë nga Serbia.

Beogradi zyrtar mbetet i vendosur për të dërguar deri në fund pretendimin e tij, për transferimin dhe gjykimin në Serbi të ish-liderit të Ushtrisë Çlirimtare të Kosovës, të cilin e akuzon për krime lufte.