SHBA: Topi është fushën e Bashës; kryetari i PD: Ka mbetur 1 çështje
Pas dështimit të aktorëve politik shqiptar për të miratuar me konsensus rregullat e garave elektorale ambasadorja amerikane Yuri Kim mori situatën në dorë duke u bërë kryenegociatore ndërsa bisedimet mes mazhorancës shqiptare dhe opozitës u zhvilluan në një territor amerikan, brenda rezidencës së zonjës Kim.
Për dy ditë radhazi negociatat u zhvilluan në rezidencën amerikane, por sot ato morën një kthesë të paprecedentë kur dy përfaqësuesit politik të opozitës jashtëparlamentare Oerd Bylykbashi dhe Petrit Vasili u larguan për t’u konsultuar me kryetarët e tyre Lulzim Bashën dhe Monika Kryemadhin për të mos u kthyer ashtu sikurse ishin dakortësuar për të firmosur marrëveshjen për të cilin kishin negociuar për rreth 9 orë dhe ambasadorja amerikane e mbajti në duar kur ju drejtua kryetarit demokrat si miku i saj.
