SHBA, xhekpot prej 454 mln dollarësh
Xhekpoti i lotarisë “Mega Millions” ka mbërritur në 454 milionë dollarë, duke e bërë këtë njërin prej 10 çmimeve më të mëdha në historinë e Shteteve të Bashkuara. Njerëzit kanë vërshuar të blejnë biletat e “Mega Millions”, me shpresën se fati do t’iu buzëqeshë.
“Po fitova me këtë biletë, gjëja e parë që do të bëj është të blej një vilë. Një super vilë, një shtëpi gjigante”, tha Mohammed Nasim.
“Unë do ta ndaja një pjesë të parave të fituara. Do t’i jepja të afërmve të mi, miqve, e një pjesë do ta kaloja për bamirësi”, tha Lionel Hudson.
Lotaria “Mega Millions” luhet në 44 shtete, në Uashington D.C. dhe në Ishujt Virxhin. Mundësitë për të fituar një xhekpot të tillë janë një në gati 259 milionë. Dy herë shorteu ka dalë bosh, më e fundit mbrëmjen e së premtes, kur biletën fituese 415 milionë dollarëshe nuk e tërhoqi dot askush.
Xhekpoti vazhdon të rritet që prej muajit mars, kur një burrë nga shteti i Uashingtonit pati numrat e duhur për të marrë me vete çekun 157 milionë dollarësh.
