Shesheli djeg flamujt e Kosovës, BE-së, Amerikës dhe NATO-s

Kreu i radikalëve serbë, Vojislav Sheshel ka shpalosur sot të tjera gjeste nacionaliste në Beograd. Ai dhe mbështetësit e tij dogjën flamujt e Kosovës, BE-së , Amerikës dhe NATO-s. Ata ishin mbledhur për të protestuar kundër 16 vjetorit të bombardimeve të NATO-s në Serbi. Sheshel ka thënë që Serbia asnjëherë nuk guxon të bëhet pjesë e NATO-s e as e BE-së edhe pse “regjimi i tanishëm” siç e quan qeverinë aktuale në krye me Aleksandar Vuçiçin po punon në këtë drejtim. Protesta u mbajt pavarësisht se autoritetet e rendit refuzuan t’u japin leje. Sulmi I NATO-s në ish-Jugosllavi nisi më 24 mars 1999 dhe përfundoi më 10 qershor të këtij viti me miratimin e Rezolutës 1244 të Këshillit të Sigurimit të OKB.