Sheshi “Nënë Tereza”: Punimet dhe pastrimet për vizitën e madhe të Papa Françeskut
Foto lajm
Sheshi “Nënë Tereza”
Punimet dhe pastrimet për vizitën e madhe të Papa Françeskut
Foto nga Mira Leka
Punimet për restaurimin e sheshit “Nënë Tereza”, kanë nisur me shpejtësi prej rreth dy javësh, ndërsa vijojnë ende për t’u përmbyllur javën e dytë të muajit shtator, disa ditë përpara mbërritjes së Papa Françeskut në Shqipëri.
Siç edhe u premtua, referuar projektit të miratuar nga Instituti i Monumenteve të Kulturës, puna ka nisur fillimisht me heqjen e shatërvanit, hapësira e të cilit ka filluar të mbulohet nga pllaka të gurta, si ato të bulevardit.
Foto nga Mira Leka
Paralelisht po punohet për restaurimin dhe pastrimin e fasadave të ndërtesave përreth, si godina dhe shkallaret e Korpusit të Universitetit, ajo e Universitetit të Arteve dhe kolonat përballë saj, që lidhin Rektoratin e Universitetit të Tiranës dhe Muzeun Arkeologjik.
Foto nga Mira Leka
Pa përjashtuar edhe larjen e shkallëve dhe pastrimin e mureve nga letrat ngjitëse, kryesisht postera deputetësh, të ngjitura në periudha fushatash elektorale, të mbivendosura vit pas viti.
