Shkëmbimet tregtare me vendet e BE zënë 68,9 % të gjithë tregtisë

Shkëmbimet tregtare me vendet e BE zënë 68,9 % të gjithë tregtisë. Sipas raportit të tregtisë së jashtme të publikuar të hënën nga Instituti i Statistikave, (INSTAT), eksportet drejt vendeve të BE-së zënë 73,1 % të eksporteve gjithsej dhe importet nga vendet e BE-së zënë 67,2 % të importeve gjithsej. Partnerët kryesorë tregtarë janë Italia (35,9 %), Gjermania (12,0 %), Greqia (7,2 %) dhe Turqia
(5,5 %).

Në muajin prill 2016, vendet me të cilët Shqipëria ka pasur rritje më të madhe të eksporteve, në krahasim me muajin prill të vitit 2015 janë Italia me 22,7 %, Greqia me 18,7 % dhe Serbia 127,2%. Ndërsa vendet me të cilat eksportet kanë pasur uljen më të madhe janë Kosova me 31,4 %, Maqedonia me 10,6 % dhe Spanja me 21,8 %.

Sipas raportit të INSTAT-it, në muajin prill 2016, vendet me të cilët Shqipëria ka pasur rritje më të madhe të importeve, në krahasim me muajin prill 2015 janë Italia me 5,6 %, Gjermania me 207,9 % dhe Greqia me 0,2 %. Ndërsa vendet me të cilat importet kanë pasur uljen më të madhe janë Kina me 19,8 %, Serbia me 12,3 % dhe SHBA me 45,0 %.