Shpërthim i fuqishëm në katin e parë të një pallati te Inxhinieria e Ndërtimit, policia jep detaje

Në orët e para të mëngjesit të sotëm, një shpërthimi fuqishëm ka ndodhur në një pallat te zona e 21-dhjetorit në rrugën “Muhamet Gjollesha” pranë komisariatit nr. 2 në Tiranë.
Gazetari Mariglen Mërtiri raporton për “BalkanWeb” se shpërthimi ka ndodhur në katin e parë të një pallati më saktësisht në një biznes. Aktiviteti i biznesit privat është “Fast Food”, dhe ndodhet në katin e parë të pallatit.
Nga shpërthimi ka vetëm dëme materiale, dhe sipas policisë shpërthimi ka ndodhur si pasojë e një rrjedhje të një impianti gazi, në kuzhinën e këtij fast food-i.

NJOFTIMI I POLICISË:

Më datë 08.07.2017, rreth orës 04:20, në numrin e emergjencave civile 112, ka ardhur njoftim për shpërthim përball inxhinieria së ndërtimit.
Menjëherë në vendin e ngjarjes janë nisur Shërbimet e Policisë të cilët kanë konstatuar një dyqan ushqimi të shpejt i cili ishte i dëmtuar.
Nga hetimet paraprake rezulton se shpërthimi ka ndodhur si pasojë e një rrjedhje të një impianti gazi, në kuzhinën e këtij fast food.
Grupi hetimor po punon për saktësimin dhe dokumentimin e ngjarjes.