Shqipëria dhe Maqedonia e Veriut nënshkruan të hënën marrëveshjen e bashkëpunimit për zhvillimin e projekteve të infrastrukturës, sigurisë logjistike dhe eficiencës së transportit të mallrave mes dy vendeve. Marrëveshja u nënshkrua sot në Tiranë nga zëvendëskryeministrja Belinda Balluku, njëherësh dhe ministre e Infrastrukturës dhe Energjisë si dhe zëvendëskryeministri i Maqedonisë së Veriut, Artan Grubi, në ceremoninë e mbajtur për prezantimin e projektit të portit tregtar të Durrësit, në Porto Romano. Pjesë e marrëveshjes së nënshkruar mes Ballukut dhe Grubit është ndërtimi i një porti të thatë në qytetin e Strugës që do të kontribuojë në shkëmbimin tregtar mes dy vendeve. Zv.kryeministri Grubi e ka cilësuar këtë projekt si pjesë të pandarë të ndërtimit të Porti të Ri të Durrësit.
Shqipëria dhe Maqedonia e Veriut marrëveshje bashkëpunimi për projektet infrastrukturore



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.