Shqipëria fiton me Armeninë, kuqezinjtë triumfuan me golat e Skukës dhe Asllanit

Fitorja i qetëson të gjithë, madje edhe trajnerin Reja për të ardhmen në drejtimin e Kombëtares.

Edoardo Reja: Jam i kënaqur me paraqitjen. Pamë dhe lojën e djemve që luajtën në Shqipëri, që mund të jenë ndihmë në të ardhmen. Pas disa ditësh, do të takoj Presidentin Duka, i cili është në Katar dhe do të diskutojmë për të ardhmen time në Kombëtare.

Futbollistët nga ana tjetër shprehën besim se pikërisht se e ardhmja do të jetë edhe më e mirë për Shqipërinë.

Krisjan Asllani: Jam i lumtur për golin e shënuar, gjëja kryesore sot ishte fitorja sepse kishim shumë kohë pa fitore.

Xhuliano Skuka: Besoj se i shpërbleva në mënyrën më të mirë. Domethënë, dhashë maksimumin.

Kombëtarja Shqiptare do të nisë në Mars të vitit të ardhshëm ndeshjet kualifikuese për Europianin.

Minuta 93’ – Përfundon miqësorja mes Shqipërisë dhe Armenisë. Kuqezinjtë fitojnë me rezultatin 2 me 0 në “Air Albania”

Minuta 90‘ – 3 minuta shtesë.

Minuta 89’ – Aksioni më i rrezikshëm i skuadrës armene, topi përfundon në shtyllën e portës së Berishës.

Minuta 86′ – Cara provon me një gjuajtje brenda zone, por vertikalizimi i tij ishte i parregullt.

Minuta 85′ – Skuadra armene godet portën e Kombëtares Shqiptare, topi pritet nga Berisha.

Minuta 73′ – Keidi Bare provon me një skemë nga goditja e dënimit, por mbrojtësit kundërshtarë e kuptojnë.

Minuta 72′ – Zëvendësim, largohet Skuka i dëmtuar dhe futet Muçolli.

Minuta 67′ – Zëvendësim, largohet Kumbulla dhe futet Bitri.

Minuta 65′ – Zëvendësim, largohet Hadroj dhe futet Hysaj.

Minuta 63′ – Asllani shënon golin e parë me Kombëtaren Shqiptare në 11 metërsh.

Minuta 60′ – Cara futet në zonë dhe pengohet, gjyqtari jep penallti.

Minuta 54′ – Shumë pranë golit të barazimit skuadra armene, por topi kalon jashtë portës.

Minuta e 51‘ – Skuka u rishfaq përballë portierit armen, por çuditërisht nuk shënoi një gol që do të na jepte qetësi.

Minuta 45′ – 3 zëvendësime: Është larguar Laçi në vendin e tij Bare; është larguar Çokaj, në vendin e tij Ramadani; është larguar Muçi në vendin e tij Cara.

FILLON PJESA E DYTË NË “AIR ALBANIA”

MBYLLET PJESA E PARË ME REZULTATIN 1 ME 0 PËR SHQIPËRINË

Minuta 45’ – 2 minuta shtesë për pjesën e parë

Minuta 42’ – Karton i verdhë për Skukën.

Minuta 44’ – Aksion i shpejtë i përfaqësueses shqiptare në krahun e djathtë me Laçin, harkimi i tij për Muçin është perfekt, por gjuajtja e këtij të fundit nuk është me forcën e duhur.

Minuta 38′ – Kundërsulm i shpejtë i kuqezinjve me Muçin dhe Asllanin, i cili gjuan nga e majta por gjen përgjigjen e portierit armen në pozicion.

Minuta 32’ – Tjetër mundësi për Kombëtaren Shqiptare, tenton Skuka, por nuk arrin të shënojë në portën e kundërshtarit.

Minuta 28’ – Skuka nuk fal me këmbën e djathtë, shënon gol. Shqipëria kalon në avantazh 1-0 ndaj Armenisë.

Minuta e 20‘ – Godet Asllani, topi del jashtë zone.

Minuta 19’ – Skuka godet në portën e Armenisë, por nuk arrin të shënojë gol.

Minuta e 17’ – Lenjani godet në portë, topi pritet nga portieri armenas.

Minuta e 8′ – Laçi humbet mundësinë për avantazh.

Ka nisur ndeshja miqësore Shqipëri-Armeni në stadiumin “Air Albania”.

Ndeshja transmetohet falas edhe në ekranin e Televizionit Kombëtar Klan në sinjalin tokësor.

Publikohet formacioni zyrtar, si do të luajnë kuqezinjtë kundër Armenisë

Publikohet formacioni zyrtar i ekipit të Shqipërisë për miqësoren me Armeninë, ndeshje që luhet sot në orën 17:30 në “Air Albania” dhe transmetohet në Tv Klan. Shqipëria vjen me rreshtimin 3-5-2.

FORMACIONET ZYRTARE:

SHQIPËRIA: Berisha, Mihaj, Kumbulla, Bajrami, Hadroj, Laçi, Asllani, Çokaj, Lenjani, Skuka, Muçi.

Trajner: Edi Reja

ARMENIA: Buçnev, Voskanianian, Harojan, Mkritçjan, Grigorjan, Hartjunjan, Dashjan, Hovhanisjan, Bçakhçjan, Babajan, Shaghojan.

Trajner: Roman Berezovski.