Shqipëria në EXPO 2015, Panariti: Promovim aseteve kombëtare në mbarë botën

“Të ushqejmë shpirtin kundër varfërisë dhe për të drejtat”, ishte logoja e një takimi të veçantë të organizuar një ditë më parë nga Konsullata Shqiptare në Milano nën patronazh të bashkisë së këtij qyteti dhe me bashkëpunimin e shoqatës AJKA. Konferenca u zhvillua në kuadrin e EXPO 2015 që do të ketë si moto të vetën “Të ushqejmë planetin tokë”.

Figura e Nenë Terezës , mesazhet, përpjekjet dhe lufta e saj kundër urisë dhe varfërisë në të gjithë botën u zgjodh nga organizatoret si temë qendrore e takimit i cili i zhvillua në sallën “Alesi”,  të bashkisë së Milanos si për të nënvizuar rëndësinë që vetë ky institucion i dha eventit duke u moderuar edhe nga Maria Rosaria Iardino , këshilltare e kryetarit të bashkisë së Milanos.

Konferenca u përshendet nga ministri i Bujqësisë dhe Ushqimit Edmond Panariti i cili tha se ky takim dhe pjësmarrja e Shqipërisë në Expo 2015 do të jenë një mënyrë për të promovuar asetet kombëtare në mbarë botën.Panariti theksoi se Italia mbetet një nga partneret me të rëndësishëm për zhvillimin e ekonomisë shqiptare.

Në takim mori pjese edhe monsinjor Giorgio Frendo i cili përshendeti eventin në emër të Arqipershkvit të Shqipërisë Monsignor Anxhelo Masafra,  dhe zgjodhi të flasë për të pranishmit për gezimin dhe buzëqeshjen në jetën dhe veprën e shqiptares Gonxhe Bojaxhi. ” Nënë Tereza bijë e Shqipërisë dhe nënë e të gjithëve ” e titulloi fjalën e saj Dava Gjoka zv presidente e shoqates Citta Mondo (qyteti i botës) për të nenvizuar pjesëmarrjen e gjerë të komuniteteve të ndryshëm të pranishëm në sallë.

Konsullja e përgjithshme ne Milano Luljeta Cobanaj tha se organizimi i këtij takimi kishte si synim jo vetëm përkujtimin e Nene Terezës në vigjilje të 11 vjetorit të shenjtërimit por edhe promovimin e vlerave kombëtare pranë instutucioneve italiane dhe komuniteteteve të tjera atje. Konsullja Cobanaj tha se ky aktivitet do të pasohet nga të tjerë siç është hapja e shkollës së parë të gjuhës shqipe në Milano, në mars 2015 projekti i se cilë është në shqyrtim nga shoqatat për të parë mundësinë e marrjes zyrtare të së drejtës së diasporës shqiptare në Milano për të patur shkollën e tyre. Gjithashtu konsullja Cobanaj foli për krijimin e një shoqate të përbashkët shpitaro-italiane për mbrojtjen e të drejtave të grave emigrante