Shteti Islamik ekzekuton me dhjetëra ushtarë sirianë

 Xhihadistët ultra radikalë të Shtetit Islamik (SHI) ekzekutuan disa dhjetra ushtarë sirianë të kapur peng pas marrjes së bazës ajrore në Tabqa, në veri të Sirisë, njoftoi sot një OJQ ndërkohë që xhihadistët deklarojnë rreth 200 të vdekur.

“Me dhjetëra ushtarë sirianë, të kapur peng ndërkohë që aratiseshin për në Esraya, në provincën e Hamanit, pas marrjes nga Shteti Islamik të bazës Ajrore në Tabqa, u ekzekutuan nga xhihadistët dje në mbrëmje”, njoftoi Rami Abdel Rahmane, drejtor i Vëzhguesit Sirian të të Drejtave të Njeriut (OSDH).

Sipas tij, 1 400 ushtarë mbronin bazën e Tabqa, që u pushtua të dielën nga ultra radikalët e SHI-së. Gjatë luftimeve rreth 200 ushtarë vdiqën dhe rreth 700 arritën në sektoret e kontrolluara nga regjimi.

Në 500 që mbeten, një pjesë vazhdojnë të luftojnë në Ajraoui, pranë bazës së Tabqa-s, një pjesë tjetër është strehuar dhe disa dhjetëra të tjerë u kapën peng në mbrëmjen e djeshme, ndërkohë që përpiqeshin të aratiseshin nëpërmjet rrugës 50 kilometra që përshkuan shkretëtirën dhe të dërgon në rajonin e Esraya, në provincën e Hama, që është nën kontrollin e regjimit