Situata e Bankës së Shqipërisë, Basha takon presidentin Bujar Nishani

Situata e ditëve të fundit në Bankën e Shqipërisë, nuk ka lënë indiferent as kreun e Partisë Demokratike, Lulzim Basha, i cili është takuar sot me Presidentin e Republikës Bujar Nishani.

Në një deklaratë për shtyp nga selia blu, njoftohet se kryetari Basha, është takuar me Nishanin në kuadër të konsultave për zhvillimet në bankë.

Në takim, Basha ka vlerësuar rolin e presidentit në funksion të ruajtjes së qëndrueshmërisë financiare në vend.

Basha ka këmbëngulur për qëndrimin e opozitës, se siguria e pavarësisë së Bankës së Shqipërisë, në përputhje me Kushtetutën e ligjin dhe qëndrueshmëria e politikës financiare, janë të një rëndësie jetike për ekonominë e Shqipërisë dhe të qytetarëve.