S’ka urdhër mbrojtjeje për Nazime Vishën

Gjykata e Tiranës vlerëson se Nazime Visha, e liruar pak kohë më parë nga burgu pas amnistisë nga Presidenti i Republikës, nuk kërcënohet nga askush.

Gjykata rrëzoi kërkesën e Vishës për urdhër-mbrojtjeje pasi, sipas saj, ishte kërcënuar nga djali dhe bashkëshortja e Fiqiri Muçës, personit që ajo vrau disa vite më parë.

Sipas denoncimit të Nazimes, Menyre Muça dhe djali i saj Ervis Muça, e kanë dhunuar psikologjikisht pasi e kanë kërcënuar me jetë nëpërmjet telefonit.

Pas marrjes së këtij denoncimi, Policia e Tiranës ka lëshuar urdhërin e menjëhershëm të mbrojtjes, ndërsa materialet i kaloi për veprime të mëtejshme në Gjykatën e Tiranës.

Ndërkohë, e veja e Fiqiri Muçës e akuzon Nazimen se ka gënjyer mbi motivet e vrasjes së bashkëshortit të saj.