Skandali seksual, Shukri Xhelili dënohet me burg

Gjykata e Krimeve të Rënda ka dënuar me 2.8 vite burg ish-kryebashkiakun e Dibrës Shukri Xhelili, të akuzuar për skandalin seksual.

Ish-kryebashkiaku përfitoi uljen e dënimit nga gjykimi i shkurtuar. Shukri Xhelili u denoncua nga një 20 vjeçare, pasi i kishte kërkuar asaj favore seksuale në këmbim të një vendi pune.

Si provë kundër Shukri Xhelilit ishte një videoregjistrim ku e implikonte atë në aferën seksuale në këmbim të punësimit.

Avokati kërko pafajësi duke deklaruar se çdo gjë ishte e manipuluar, por deklaratat nuk u morën parasysh nga Gjykata e Krimeve të Rënda, që vendosi dënimin e tij.

Gjithashtu gjykata vendosi që Shukri Xhelilit t’i mohohet edhe e drejta për 5 vite për të ushtruar funksione publike.