Spanja në zi kombëtare pas aksidentit të ”Germanwings”

Spanja shënoi sot ditën e parë të zisë kombëtare pas aksidentit të një avionit të kompanisë ”Germanwings” që kryente fluturimet mes Barcelonës dhe Dyseldorfit, në bordin e të cilit udhëtonin 150 persona.

Mariano Rajoy, kreu i qeverisë, ndërpreu të gjitha aktivitetet për të shkuar në Francë, në afërsi të vendit të aksidentit të Airbusit A320, në Alpet franceze.

”Një zi kombëtare tre ditore u dekretua”, njoftoi zëvendëskryeministrja, Soraya Saenz de Santamaria.

”’Të paktën 49 spanjollë bënin pjesë mes 150 të vdekurve të avionit ‘Germanwings”’ njoftoi sot sekretari i Shtetit spanjoll për Sigurinë.

“Aktualisht ne kemi identifikuar 49 viktima spanjolle”, deklaroi Francisco Martinez në një konferencë shtypi pasi shpjegoi se autoritetet kishin mundur të hartonin këtë listë dyke e krahasuar atë të pasagjerëve me dhënat e njoftuara nga të afërmit e viktimave të aksidentit.