Numri i të vdekurve në 24 orë si pasojë e pandemisë së koronavirusit është rritur në Spanjë në 832 duke e çuar në 5 690 numrin e të vdekurve në vend, sipas bilancit zyrtar të njoftuar sot.
Spanja është vendi i dytë që numëron numrin më të madh të viktimave në botë nga COVID-19 pas Italisë.
Numri i rasteve ka progresuar me më shumë se 8 000 në 24 orë duke arritur në 72 248 ndërkohë që autoritetet kanë vendosur të përdorin gjithnjë e më shumë teste për të vlerësuar më mire përmasat e pandemisë në vend.
Por, shenjë pozitive nënvizuar nga autoritetet, ritmi i rritjes ditore të numrit të rasteve me COVID-19 si dhe ai i vdekjeve ka shënuar një ngadalësim këto ditët e fundit ndërkohë që qeveria vazhdon të përsërisë se Spanja nuk është shumë larg pikut të epidemisë.
Më shumë se 46 milionë spanjollë janë vendosur që prej 14 marsit nën një kufizim strikt që do të zgjasë deri më 11 prill.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.