“Strasburgu” trondit Vettingun/ Vendimi për një prokuror të shkarkuar: I është shkelur procesi i rregullt

Paditësit, që gjatë shkarkimit nga detyra ishte anëtar i Këshillit të Lartë të prokurorisë, ju shkelën në vendin e tij të drejtat për tu gjykuar nga një gjykatë e krijuar me ligj.

Luan Daci ishte anëtar i trupës që gjykoi në KPA ish prokurorin Cani. Strasburgu konstaton se emërimi si gjyqtar dhe zgjedhja nga kuvendi i tij u krye pa verifikuar të kaluarën e tij.

Emri i Luan Dacit, shpallur fajtor nga gjykata e posaçme për falsifikim, pritet të përsërisë të njëjtin kazus edhe për shumë gjyqtarë dhe prokurorë të tjerë, të cilëve ai u bëri vettingun në cilësinë e gjyqtarit kushtetues.

Për rastin Cani që ju gjetën të ardhura të pajustifikuara, Strasburgu lë të hapur mundësinë e negocimit midis qeverisë dhe ish prokurorit, i cili pavarësisht sugjerimit do ta shfrytëzojë të drejtën për të kërkuar rihapje të çështjes pranë Kolegjit të Posaçëm të apelimit.

Më tepër se pesë vjet nga nisja e vettingut, presin ende për tu kontrolluar dhe 242 gjyqtarë dhe prokurorë nga 805 që ishin.