Sulmohet faqja e Policisë së Shtetit: Arrestoni deputetët

Një grup hakerash ka sulmuar në orët e vona të ditës së djeshme faqen online të Policisë së Shtetit.

Grupi i quajtur Anonymous Albania e ka njoftuar bllokimin përmes një postimi në rrjetin social “Facebook”.

Teksa publikojnë një foto për hakerimin e faqes, ata japin me shqipe dialektore edhe arsyen e këtij sulmi.

Sipas tyre, “Policia është e korruptuar dhe po shfrytëzon detyrën”.

Ata kërkojnë arrestimin e deputetëve, që sipas tyre “kanë bërë vjedhje e vrasje”.

Mesazhi:
“Ne jemi Anonymous Albania, website i policisë shqiptare eshte hakuar nga ne sepse policia eshte e mbushur me korrupsion edhe po shfrytezon detyren. Ne po bejme punen qe ju duhet te kishit bere me kohe, duhet te kishit arrestuar deputetet qe kane bere vjedhje dhe gjith ato vrasje por ju e harxhoni kohen duke i vjedhur popullit. Ne do vazhdojm t’ju shkatrrojm juve ky ishte vetem fillimi. Ne nuk falim e as nuk harrojm. Cdo gje e fshehte do dali ne shesh, s’do ket me te fshehta ndaj nesh. Ky ishte vetem nje palajmerim, ne qoftese vazhdoni akoma keshtu do ket pasoja te tjera si deme ekonomike, etj. Portalet Mediat jane te kontrrolluara nga shteti edhe ato do sulmohen se shpejti”