Sulmohet me gurë ambasada shqiptare në Podgoricë, notë proteste nga Tirana

Sulmohet me gurë ndërtesa e ambasadës shqiptare ne Podgorice. Ngjarja është shënuar rreth 10:30, ku persona të paidentifikuar kanë gjuajtur me gurë në ambasadën shqiptare duke thyer xhamat por nuk ka njoftim për ndonjë të lënduar.

Sipas informatave te konfirmuara ne rruge zyrtare, agresoret kane arritur te futen edhe ne oborrin e ambasades se Shqiperise, por nuk kane bere deme te tjera.

Ajo qe bie ne sy dhe, serish eshte e konfirmuar ne rruge zyrtare, eshte se nuk ka patur prani te forcave malazeze te rendit.

Ministri i Jashtem Ditmir Bushati ka komunikuar me homologun e tij malazez, i cili e ka siguruar se do ta ndjeke çeshtjen. Gjate bisedes telefonike mes dy ministrave te jashtem, shefi i diplomacise malazeze i tha zotit Bushati se Ministria e Brendshme e Malit te Zi do te hape nje hetim per te zbuluar autoret e kesaj ngjarjeje.

Incidente të ngjashme kundër ambasadës shqiptare pati dhe në vitin 2011 dhe 2013.

Besohet se ky incident vjen pas ngjarjeve te dhunshme ne stadiumin e Beogradit, ku skuadra e Shqiperise u sulmua ne menyre barbare nga tifoze ekstremiste serbe, veprimet e te cileve u justifikuan nga autoritetet e Beogradit.