Tahiri: Pandëshkueshmëria ka emrin e atij që bëri 21 janarin. Opozita aleancë me krimin

Ministri i Brendshëm, Sajmir Tahiri ka reaguar pas akuzave të kreut të Partisë Demokratike, Lulzim Basha lidhur me zbulimin e identitetit të dëshmitarit të mbrojtur nga drejtësia në çështjen e vrasjes së kryekomisar Dritan Lamajt. Duke folur nga foltorja e kuvendit gjatë seancës së sotme plenare, Tahiri akuzoi opozitën se me qëndrimin që po mban ndaj policisë së shtetit po bëhet aleat me krimin dhe pandëshkueshmërinë, fytyra më e mirë e të cilës sipas tij është, personi që vodhi në Rrugën e Kombit, nënshkroi marrëveshjen  antikombëtare të detit me Greqinë dhe shkaktari i vërtetë i 4 vrasjeve të 21 janarit, pra vetë kreu i PD, Lulzim Basha i cili një ditë më parë akuzoi kryeministrin dhe ministrin e Brendshëm se kanë urdhëruar dekonspirimin e dëshmitarit të mbrojtur. Tahiri i ka bërë thirrje opozitës që të heqë dorë nga baltosja e policisë së shtetit, që sipas tij i ka dhënë provat se do të luftojë krimin dhe paligjshmërinë ashtu siç bëri në Lazarat, dhe të ta lërë policinë të bëjë detyrën  e vet.