Thaçi: Progres raporti këtë vit më i miri

Zëvendëskyreministri i Kosovës Hashim Thaçi u shpreh sot se progres raporti thekson progresin më të madh të shënuar deri tani.

“Raporti i Progresit është gjithmonë i mirëseardhur si udhërrëfyes për integrimin në Evropë. E mirëpres edhe Raportin e Progresit për vitin 2015, që thekson progresin më të madh të shënuar deri tani në procesin e integrimit në Bashkimin Evropian — nënshkrimin e Marrëveshjes së Stabilizim-Asociimit. I mirëseardhur është edhe vlerësimi për progresin e arritur në procesin e liberalizimit të vizave. Tani me të drejtë presim që vitin e ardhshëm të udhëtojmë pa viza në Evropë. Por, e vërejta edhe dënimin që i bëhet dhunës së ushtruar nga opozita dhe gjykimin se kjo qasje është në kundërshtim me frymën evropiane. Nuk ka dyshim që jemi në rrugë të drejtë. Arritjet tona po marrin mirënjohje. Tani duhet edhe më tepër punë dhe angazhim. Rrugën tonë drejt BE-së më nuk mund ta ndalë asgjë dhe askush”, shkruan Thaçi në Facebook.