Thaçi viziton redaksinë e gazetës prestigjoze “The Times”, në Londër

Zëvendëskryeministri dhe ministri i Jashtëm i Kosovës, Hashim Thaçi, vizitoi sot redaksinë e gazetës së përditshme prestigjioze “The Times” në Londër.

Në një postim në rrjetin social Facebook, Thaçi, shprehet se, “vizitova redaksinë e ditores prestigjioze “The Times” në Londër dhe me redaktorët e gazetës bisedova për traditën dhe rolin e mediave të lira në shoqëritë demokratike”.

“Në këtë bashkëbisedim, diskutuam edhe për bashkëpunimin e veçantë që kemi me Britaninë e Madhe, për të arriturat e Kosovës dhe për synimet tona në të ardhmen”, tha Thaçi.