Turqia, deri më 1 shtator e ka gati qeverinë e re

Zëvendëskryeministri dhe zëdhënësi i Qeverisë, Bylent Arinç në konferencën për shtyp pas mbledhjes së sotme të Kabinetit tha se “Deri në 1 shtator do ta kemi të krijuar qeverinë e re me kryeministrin e ri”.

Pas mbledhjes javore të qeverisë, zëvendëskryeministri dhe zëdhënësi Bylent Arinç bëri deklarata për gazetarët.

“Me Zotin kryeministër Rexhep Tajip Erdoan kemi punuar në këtë qeveri. Me rastin e largimit të tij në fakt edhe ne duhet t’i themi atij lamtumirë. Kjo vlen edhe në aspektin e etikës politike. Tani vjen një kryeministër i ri. Qeverinë e re do ta krijojë kryeministri i ri”, u shpreh zëvendëskryeministri aktual Bylent Arinç.