Ultra-konservatori, Mohammad Yazdi zgjidhet në krye të Asamblesë së ekspertëve

Ajatollahu ultra-konservator, Mohammad Yazdi u zgjodh sot përballë  ish-presidentit të moderuar, Akbar Hachemi Rafsandjani , në krye të Asamblesë të ekspertëve, një instancë e lartë fetare iraniane e ngarkuar për emërimin e liderit suprem dhe mbikëqyrjen e punës së tij, njoftoi media.

Ajatollahiu, Yazdi, 84 vjeç, mori 47 vota kundër 24 në favor të Rafsandjanit nga 73 vota në total, sipas televizionit shtetëror. Ai pasoi ajatollahun, Mohammad Reza Mahdavi Kani, i cili vdiq në muajin tetor në moshën 83 vjeçare.

Bëhet fjalë për një dështim të konsiderueshëm Rafsandjanit, ish-kreu i kësaj Asambleje dhe që ishte mbështetur nga të moderuarit dhe reformatorët.

Asambleja e ekspertëve përbëhet nga 86 liderë fetarë të zgjedhur me votim universal. Ajo është e ngarkuar për të emëruar liderin suprem, për të mbikëqyrur veprimet e tij dhe ndoshta dhe për ta shkarkuar nga detyra.

Lideri suprem, aktualisht ajatollahu Ali Khamenei, është autoriteti më i lartë politik dhe fetar i vendit,  i cili ka fjalën e fundit mbi çështjet e mëdha të shtetit.