Urdhri i Infermierit: Në 10 shtator nis regjistrimi për provimin e shtetit për praktikantët

Të gjithë praktikantët me profil infermierë, mami, fizioterapistë, teknikë të imazherisë, teknikë të laboratorit dhe logopedë, që kanë përfunduar praktikën, duke filluar nga data 10 shtator do të duhet të dorëzojnë të gjithë dokumentet e nevojshme, në mënyrë që të fitojnë të drejtën që të futen në provimin e shtetit.

Sipas Urdhrit të Infermierit të Shqipërisë, kandidatët do të duhet të dorëzojnë dokumentet pranë zyrave ku kanë bërë regjistrimin për të ndjekur këtë praktikë, ndërkohë që afati i fundit është 25 shtatori dhe provimi do të zhvillohet përgjatë periudhës 5-20 tetor.

Ndërsa për kandidatët që janë përsëritës në provimin e shtetit, nga data 25 shtator 2015 -5 tetor 2015 do të bëhet dhe konfirmimi i pjesëmarrjes në provimin e shtetit të muajit nëntor 2015.