Vakanca në AMA-Drejt fundit procesi i përzgjedhjes së kandidatëve

Komisioni parlamentar i Medias vijoi dhe sot (e martë) me procedurat përzgjedhëse për plotësimin e vendeve vakante në Autoritetin e Mediave Audiovizive (AMA).
Nënkryetari i komisionit, Alfred Peza bëri të ditur se në dy mbledhjet e sotme anëtarët vendosën të përjashtojnë nga gara për postin e anëtarit të AMA-s, kandidaten Merita Myftari dhe kandidatin Agim Popoçi.
Prej gati një jave komisioni i Medias, në mungesë të deputetëve të opozitës, po vijon punën me përzgjedhjen e kandidaturave per anëtarë të AMA-s, një proces i bllokuar prej mëse dy vjetësh. Procedura e ndjekur nga maxhoranca në komision konsistonte në skualifikimin e emrave të kandidatëve të saj, deri sa të mbërrinte tek numri 13, nga 26 që ishte në total numri i konkurentëve. Më pas, komisioni do të votojë për përzgjedhjen e dy kandidatëve, qe do te votohen ne parlament.