Vdes ish-ministri i Ekonomisë, Kakha Bendoukidze

Ish-ministri gjeorgjian i Ekonomisë, Kakha Bendoukidze, ndërmarrës i reformave ekonomike liberale në ish-Republikën sovjetike dhe këshilltar i presidentit aktual ukrainas, Petro Poroshenko vdiq dje në moshën 58-vjeçare, njoftuan sot kolegët e tij.

”Ish-ministri i Ekonomisë, Kakha Bendoukidze vdiq dje në mbrëmje ndërkohë që ndodhej në Londër”, theksoi Vato Lejava, kolegu i tij në Universitetin e Tbilissit.

Ai shtoi se Bendoukidze kishte kryer së fundi një operacion kardiak në Zvicër, por dukej në gjendje të mirë që prej asaj kohe.

Policia e Londrës theksoi në një komunikatë se vdekja e tij ishte njoftuar dje në një hotel në Hamilton Place. “Një autopsi do të kryhet. Policia nuk e konsideron vdekjen e tij si të dyshimtë”, vijon komunikata.

Ndërmarrës i reformave ekonomike liberale si ministër i Ekonomisë nën presidencën e Mikheil Saakashvilit dhe njohur për luftën e tij kundër korrupsionit, Bendoukidze ishte një personalitet i respektuar në këtë ish-republikë sovjetike të Kaukazit të Jugut.

“Gjeorgjia ka humbur Kakhan”, shkruan në rrjetin social ”Facebook” ish-presidenti Saakachvili.”Jam i tronditur dhe i tmerruar … një burrë shteti me rëndësi historike humb jetën”.

”Këshilltar i presidentit ukrainas, Petro Poroshenko që prej muajit maj, Bendoukidze ishte në diskutime për të marrë një prej posteve kyçe të qeverisë”, njoftoi Saakashvili.