Vdes një police gjatë hapjes zjarr në periferi të Parisit

Një police e plagosur sot në mëngjes nga një person i armatosur, vdiq para pak minutash, njoftoi policia franceze.

Një person me jelek antiplumb dhe me një armë automatike hapi zjarr sot në mëngjes në Paris mbi policinë bashkiake.

”Një i dyshuar u ndalua pak pas hapjes zjarr në Montrouge, në periferi të Parisit”, njoftuan burime nga policia.

Ministri i Brendshëm, Bernard Cazeneuve shkoi në vendngjarje.

Dje, tre persona hapën zjarr kundër redaksisë së revistës humoristike ”Charlie Hebdo” duke shkaktuar 12 të vdekur.