Veseli: Investimet garantojnë rritjen dhe qëndrueshmëri ekonomike në Kosovë

Kryetari i Kuvendit të Kosovës, Kadri Veseli, ka marrë pjesë sot në përurimin e fabrikes Exim Metal, një investim që do të ndikojë në rritjen e prodhimit në vend për një ekonomi të qëndrueshme në Kosovë.

Kryetari i Kuvendit Veseli nëpërmjet një postimi në statusin e tij Facebook të premten shprehet: “Fabrika Exim Metal që sapo përuruam është një investim serioz shumë i vlefshëm për ekonominë tonë, pasi sektori i prodhimit është ai që garanton një rritje të qëndrueshme të ekonomisë. Nxitja e investimit në fabrika si kjo e sotshmja hap vende të reja të punës dhe rrit nivelin e eksporte duke përmirësuar bilancin tregtar të Kosovës”.

“Ne duhet të përqpiqemi që të eleminojmë pengesat burokratike dhe të lehtësojmë barrën tatimore për të krijuar një klimë sa më të përshtatshme për sipërmarrësit tanë. Zhvillimi ynë ekonomik ka për të ardhur vetëm nëpërmjet kultivimit të një mentaliteti në shoqëri që synon ta realizojë mirëqenien nëpërmjet punës, iniciativës private dhe respektimit të ligjit. K.V.”, u shpreh Veseli.