Vila e serialit ‘Magnum, P.I’ shitet 8,7 mln $. Pronari dyshohet se është Obama

Presidenti i Shteteve të Bashkuara të Amerikës Barak Obama thuhet se ka blerë vilën e serialit të famshëm amerikan  të viteve ’80 “Magnum, P.I.”. Rezidenca luksoze  në plazh është shitur këtë javë nëpërmjet një  “transaksioni misterioz’,  në të cilën  është i përfshirë miku  dhe donatori më i madh i Obamës.

Një lajm i tillë nuk konfirmohet nga Shtëpia e Bardhë. Vila luksoze ndodhet në zonën e Honolulusë dhe zërat thonë se pasi Obama të lërë detyrën si President në fund të mandati, pritet që të shkojë të jetojë atje. Blerësi është përmendur si “Waimanalo Xhennet.” Organizata është themeluar nga një prej mbështetësve të Obamës, raporton Fox  News. Rezidenca ka kushtuar 8.7 milionë dollarë.Sipas burimeve duket se ‘blerësi”,  është Seth Madorsky, avokat në Çikago e donator i Presidentit amerikan. Vila  ka një sipërfaqe prej rreth 1200 metra katrorë, ka pesë dhoma gjumi, gjashtë banja, një fushë tenisi, një garazh për tre makina, sauna, vend për të jetuar stafi, etj. Vila ka 1.2 hektarë fushë dhe një pamje fantastike nga deti. Shtëpia ka dalë edhe në seritë e famshme ‘Magmnum P.I’, ku luan aktori Tom Selleck.Obama aktualisht ka një shtëpi në Çikago, por ka spekulime se presidenti ishte duke kërkuar një pronë në Hawai kur të largohet nga detyra. Ai jetoi në ishullin e Paqësorit, kur ishte i ri dhe besohet se ka një dashuri të thellë për këtë vend.Kjo reflektohet edhe nga familja, e cila merr pushime të rregullta në këtë vend. Nuk ka asnjë konfirmim, megjithatë, nëse janë apo jo thashetheme, e vërteta qëndron që ajo pronë është blerë vërtetë. Një zëdhënës i administratës Obama tha për Fox  News se nuk kishte asnjë koment sepse Presidenti nuk është palë në transaksion.