Vjedhja e 7 mld lekëve me receta fiktive, PD: Drejtori i arrestuar mik i Ilir Metës

Partia Demokratike ka vlerësuar hapin e ndërmarrë nga prokuroria për arrestimin e personave të përfshirë në skandalin e vjedhjes së 7 mld lekëve nga mashtrimi me receta fiktive, ndërsa akuzoi qeverinë si të përfshirë në menyrë të drejtpërdrejtë në këtë skandal.

Në një deklaratë për mediat nga selia blu, deputetja demokrate, Albana Vokshi u shpreh se drejtori rajonal i FSDKSH, Fondi i Sigurimit të Detyrueshëm të Kujdesit shëndetësor Pjerin Xhuvani, që u arrestua një ditë më parë lidhur me këtë skandal, është mik i Ilir Metës dhe se zinxhiri mafioz i vjedhjes me receta fiktive e ka kokën në qeveri.

“7 miliardë lekë përfitime të paligjshme të futura në xhepat e qeveritarëve. Për një vit të tërë ministri i shëndetësisë ka bërë përpjekje për të fshehur provat”, tha Vokshi…