Vjedhja në BSH, Gjykata: Vendimi për 10 të pandehurit, më 19 shkurt

Vendimi për 10 tëpandehurit e dosjes së parë të Bankës së Shqipërisë do të jepet më 19 shkurt.

Kështu ka deklaruar sot trupa gjyqësore në seancën e radhës në ngarkim të 10 të pandehurve të parë të dosjes për vjedhjen e Thesarit në Bankën e Shqipërisë.

Në seancë janë lexuar edhe tre mbrojtjet e fundit, mes të cilëve edhe ajo e Dorian Collakut, ish kreu i

departamentit të Emisionit në Bankën e Shqipërisë, i cili nuk ka pranuar akuzat dhe ka pretenduar pafajësi.

PRETENCA

Në seancën e 12 dhjetorit 2014, Prokuroria e Tiranës kërkoi shpalljen e fajshme dhe një total prej 56 vjetësh heqje lirie për dhjetë të pandehurit e dosjes së parë të ish­zyrtarëve të Bankës së Shqipërisë. Prokuroria kërkoi dënim me 6 vjet burg për gjashtë të pandehur dhe dënim me 5 vjet për katër

të tjerë, për akuzën e “shpërdorimit të detyrës”. Përfaqësuesi i akuzës tha se të pandehurit me veprimet dhe mosveprimet e tyre i kanë krijuar të pandehurit Ardian Bitraj kushtet për vjedhjen e 713 milionë lekëve në Thesarin e Shtetit.

“Siç është provuar nga hetimi gjyqësor, si në arkën stok ashtu dhe në arkën për veprim janë kryer vjedhje në vazhdimësi të shumave të mëdha monetare, vjedhje këto që kanë ardhur si rezultat i mosfunksionimit të organizimit të brendshëm të Departamentit të Emisionit, që drejtohej nga i pandehuri Dorian Çollaku”, thuhej në pretencën e Prokurorisë.