Vladimir Avdija merr detyrën e Komandantit të Forcës Ajrore

Gjeneral Brigade Vladimir Avdiaj, merr detyrën e Komandantit të Forcës Ajrore në Forcat e Armatosura të Republikës së Shqipërisë.

Ceremonia e dorëzimit të flamurit luftarak, me praninë e Ministres së Mbrojtjes Mimi Kodheli, Shefin e Shtabit të Përgjithshëm të FA-ve, gjeneralmajor Jeronim Bazo, gjeneralë, komandantë, atashe ushtara
u zhvillua në komandën e Forcës Ajrore, Rinas.

Ministrja Kodheli, duke i uruar detyrën gjeneral Avdisë, shprehu bindjen se, është personi i duhur për të drejtuar dhe për të çuar atë përpara forcën ajrore.

Kodheli siguroi se, ajo personalisht, por edhe qeveria shqiptare, është e vëmendshme ndaj çdo problemi, shqetësimi, mungesë që ka patur në vite në FA, të shkaktuara për shumë arsye.

“Falë jush, falë përkushtimit Tuaj të përditshëm, që, edhe në kushte jo të favorshme, të trajtimit jo të favorshëm të kushteve atmosferike, të mungesës së shumë aseteve, për të cilat ju, nuk mund ta bënit punën që bëni, sepse ditën që keni vendosur të jeni pjesë, e pjesës më të mirë të shoqërisë shqiptare, forcave tona të armatosura, keni vendosur të bëni sakrificën, keni vendosur të shërbeni, përpara se të kërkoni”, u shpreh Kodheli.

Shefi i Shtabit të Përgjithshëm të FA-ve Gjeneral major Jeronim Bazo i dorëzoi flamurin luftarak gjeneral Brigade, Vladimir Avdisë.