Vlorë, atentat biznesmenit të ndërtimit, plagoset me armë zjarri

Rikthehen atentatet në qytetin e Vlorës. Pas vrasjes në mënyrë makabre të biznesmenit Isuf Brahimaj pak ditë më parë, një tjetër ndërtues ka qenë në shënjestër të një atentati ditën e sotme.

Ngjarja ndodhi në zonën e Skelës, ku biznesmeni i ndertimit Arben Veliko është qëlluar disa herë me armë zjarri që dyshohet silenciator, teksa zbriste nga një pallat që ndërtohej prej tij. Veliko mësohet se ka marrë dy plumba, një në bark dhe një në këmbë. Ai është transportuar menjëherë në spitalin rajonal ku ndodhet jashtë rrezikut për jetën. Policia ka nisur hetimet për të zbardhur plotësisht ngjarjen.