Vlorë, djali i mësueses plagos me armë nxënësen e shkollës së mesme

Një ngjarje pazakontë ka ndodhur sot në mëngjes në fshatin Gjorm të Vlorës. Një adoleshent ka plagosur me armë zjarri një bashkëmoshatare të tij, duke i shkaktuar plagë në trup.

Policia e qytetit bregdetar, bën me dije se e plagosura është adoleshentja me inicialet E.T., e cila ndodhet nën kujdesin e mjekëve të spitalit rajonal të Vlorës.

Deri tani nuk dihen arsyet e këtij incidenti, por burimet paraprake thonë se autori është djali i një mësueseje në shkollën e mesme të fshatit Gjorm.

Policia është vënë në ndjekje të autorit.