Vodhën bankën e Nivelit të Dytë, procedim penal drejtorit dhe dy punonjësve
Policia e kryeqytetit ka vënë në pranga punonjësen e një banke të nivelit të dytë, ka nisur procedim penal në gjendje të lirë për drejtorin dhe ka shpallur në kërkim një tjetër punonjës të kësaj banke të cilët akuzohen për vjedhje në bashkëpunim.
“Nga hetimet e kryera, shtetasi Besmir Laja, punonjës i një banke të nivelit të dytë, arkëtar, dyshohet se ka vjedhur në këtë bankë, duke shpërdorur detyrën, shumat prej: 7.280.012 lekë, 32.900 euro dhe 18.080 dollarë amerikan nga arka e bankës, si dhe 510.000 lekë nga ATM.
Ndërkohë Brunilda Duraj, me detyrë Asistente/Shefe operacionale pranë kësaj banke dhe shtetasi F.Z., me detyrë drejtor dege, dyshohen se përmes shpërdorimit të detyrës kanë lejuar që shtetasi Besmir Laja të kryente vjedhjen”, thuhen ne njoftimin e policise se Tiranës.
Materialet i kanë kaluar për veprime të mëtejshme Prokurorisë së Rrethit Gjyqësorë Tiranë.
Çfarë turpi?! Në Shqipëri,drejtesia ka dy standarte.Vidhet Banka e Shtetit nuk ndiqe penalisht guvernatori;vidhet banka e nivelit te dyte ,ndiqet penalisht drejtori