Vrasja e 2 vëllezërve në Hollandë, mediat e huaja: Arrestohet në Slloveni shqiptari tjetër i dyshuar

Një tjetër shqiptar eshte arrestuar si i dyshuar per vrasjen e dy vellezerve Tola nga Elbasani, qe jetonin ne Roterdam.

Sipas mediave holandeze eshte arrestuar nje 24 vjeçar edhe ky shqiptar. Ai eshte prangosur ne kuader te hetimeve qe po zhvillohen per vrasjen e dy vellezerve.

Ne 24 janar Policia e Roterdamit njoftoi arrestimin e autorit të dyshuar për vrasjen e vëllezërve nga Elbasani, Florenc dhe Glevis Tola. Ngjarja e ndodhur një javë më parë në qytetin holandez pritet të zbardhet e plotë, bashkë me motivin e krimit që u mori jetën dy të rinjve, i madhi 30 dhe i dyti 26 vjeç. Mediat vendëse bënë të njohur faktin se autori i moshës 26 vjeç është shqiptar dhe ka pasur konflikt me vëllezërit Tola.

Sipas Policisë ai u arrestua në Kasteelweg dhe gjykata e ka lënë në burg si të dyshuarin kryesor të krimit. Autori, emri i të cilit nuk bëhet i njohur, pohohet se ka shkëmbyer zjarr me dy viktimat. Për pasojë ka mbetur i lënduar edhe miku i vëllezërve Tola, S.Piku. Dëshmia e këtij të fundit, si dhe pamjet e kamerave të zonës identifikuan personin që u vu në pranga. Vrasja e dyfishtë ndodhi mbrëmjen e 15 janarit pranë banesës ku jetonin dy vëllezërit Tola.

Ata jetonin në Holandë prej vitesh, ndërsa në Shqipëri vetëm dy ditë para krimit kishte qenë vëllai i madh. Edhe pse ka kaluar java, trupat e dy vëllezërve nuk janë mundur të transportohen drejt Elbasanit, ku pritet të bëhet dhe përcjellja në banesën e fundit. Florenc Tola ishte i martuar dhe me dy fëmijë të mitur, të cilët i vizitonte shpesh. Familja e tij ka hapur dyert e mortit që prej javës së shkuar, por për shkak të ngjarjes së rëndë, nuk është bërë ende tërheqja e trupave.