Vuçiç do shërbehet në gota dhe pjata me shqiponjën dykrenare

Pritja për kryeministrin serb Aleksandër Vuçiç është rezervuar në Pallatin e Brigadave ku të dy delegacionet e kryesuar nga krerët e qeverive do zhvillojnë edhe takimin dypalësh.
 Personeli i caktuar për pritjen e Kryeministrit serb, është kujdesur deri në detaj, në mënyrë që çdo gjë të shkojë mirë.  Ajo që bie në sy janë gotat dhe pjatat të dizenjuara me një shqiponjë dykrenare në ngjyrë të artë.

Në fakt, të gjitha pritjet zyrtare shërbehen me të tilla gota dhe pjata, por kjo e sotmja është një vizitë delikate për shkak të marrëdhënieve jo fort të mira mes dy shteteve. Një gjest i tillë mund tw cilësohet edhe si provokim.