Yıldırım: Ata të cilët nuk e njohin Turqinë gabuan edhe njëherë

Kryeministri i Turqisë, Binali Yıldırım në një fjalim në grupin parlamentarë të AK Partisë në ambientet e Parlamentit të Madh të Turqisë ka folur për zhvillimet më të fundit në vend dhe më gjerë.

Duke folur në lidhje me sulmin terrorist në aeroportin Ataturk të Stambollit Yıldırım theksoi se janë bërë spekulime të ndryshme pas tij.

“Turqia u shkatërrua. Turizmi tani do të marrë fund. Turqia nuk mund të ngrihet më në këmbë. Ishin disa nga shprehjet e atyre që treguan që u gabuan pasi nuk e njohin Turqinë. Gjatë festës së Fitër Bajramit në aeroportin e Ataturk-ut është thyer rekordi i ngritjeve dhe zbritjeve të avionëve, gjatë gjithë historisë së Republikës së Turqisë, është shprehur kryeministri i Turqisë.

Kryeministri i Turqisë Yıldırım, në fjalën e tij e vuri theksin tek rëndësia e punës së Parlamentit dhe theksoi se brenda kësaj jave AK Partia do të fillojë diskutimet dhe takimet me forcat e tjera politike për ndryshimin e rregullores së brendshme të Parlamentit të Madh të Turqisë, në mënyrë që ky institucion të punojë në mënyrë sa më efikase.