Zbehet demokracia

Zhvillimet paszgjedhore i hedhin hije të keqe Kosovës, ndërkaq mungesa e dialogut, vlerësohet si njw minus i madh për politikën kosovare.

Analistët vlerësojnë se me pozicionet e ngurta që janë krijuar pas zgjedhjeve të 8 qershorit, Kosova po e rrezikon sistemin e saj demokratik, prandaj partitë duhet të dialogojnë mes tyre për të gjetur zgjidhje.

Moskonstituimi i institucioneve pas zgjedhjeve të 8 qershorit, e ka zbehur imazhin e Kosovës.

Themelimi i bllokut opozitar paszgjedhor nga ana e LDK-së, AAK-së dhe Nismës, sipas analistëve politikë, e ka ulur nivelin e demokracisë në vend.

Juristi dhe profesori universitar, Riza Smaka vlerësoi se nuk ka asnjë fije dyshimi se moskonstituimi i deritanishëm i Qeverisë së Kosovës dhe institucioneve të tjera më relevante shtetërore, që do të duhej të bëhej si rezultat i zgjedhjeve nacionale të 8 qershorit, domosdo dhe pa asnjë dyshim se i ka qitur hije të keqe nivelit të demokracisë së brishtë, që aktualisht mbretëron në Kosovë.

Sipas tij, partitë i kanë vënë në plan të parë interesat e ngushta partiake dhe interesat meskine individuale përballë interesave nacionale e kombëtare.