Zbulohet substanca me të cilën u helmua vëllai i Kim Jong-Un

Dalin detaje të reja për vrasjen e Kim Jong-nam, vëllait të diktatorit korean, i cili vdiq disa ditë më parë, si pasojë e atij që dyshohet të jetë një helmim në aeroportin e kryeqytetit malajzian të Kuala Lumpurit.

Kim Jong-nam u helmua në aeroport nga dy gra.

Dy ditë pas vrasjes së tij policia bëri të ditur se jane kryer analizat mjeko-ligjore.

Nga to rezulton se substanca kimike e përdorur në vrasjen e gjysmë-vëllait të liderit të Koresë së Veriut është identifikuar si një “agjent nervor”, tha policia e Malajzisë.

“VX” e gjetur në fytyrën e tij është klasifikuar si një nga armët e shkatërrimit në masë nga ana e Kombeve të Bashkuara.

Ndonëse Malajzia nuk e ka fajësuar shtetin e Koresë së Veriut për vdekjen e Kim Jong-nam, burime jo zyrtare thonë se koreano-veriorët qëndrojnë pas kësaj vrasjeje.