Zëvendëspresidenti amerikan, Majkëll Pens mbërriti për vizitë në Podgoricë
Zëvendëspresidenti amerikan, Majkëll Pens mbërriti për vizitë në Podgoricë, ku u prit nga kryeministri malazez, Dushko Markoviq dhe nga bashkëshortja e tij.
Ambasada amerikane në Mal të Zi drejtpërdrejt përmes Fejsbukut e transmetoi arritjen e Pensit.
Zëvendëskryetari i SHBA-së në Podgoricë mbërriti me bashkëshorten e tij.
Pens në Podgoricë erdhi nga Gjeorgjia, ndërsa paraprakisht ishte për vizitë në Estoni.
Sipas protokollit sonte Merkoviq organizon darkë zyrtare për mysafirin dhe delegacionin e tij. Në të do të marrin pjesë edhe presidenti malazez Filip Vujanoviq, kryetari i Parlamentit, Sërxhan Darmanoviq, ministri i Mbrojtjes Predrag Boshkoviq, ambasadori i Malit të Zi në SHBA, Nebojsha Kallugjeroviq dhe këshilltari kryesor politik i kryeministrit, Sasha Erakoviq.
Pens është politikani më i lartë amerikan, i cili e ka vizituar Malin e Zi. Kjo është vizita e tij e parë në rajon.
