Zgjedhje nën tension/ Vuçiç shpall fitoren pas krizës

Partia Përparimtare Serbe ka fituar në të dhjetë komunat në zgjedhjet lokale të mbajtura këtë të diel, me 53 përqind të votave, duke marrë edhe një nga qytetet kryesore në këto zgjedhje: Bor.

Procesi nuk ishte i qetë duke regjistruar tensione në disa prej qëndrave të votimit.

Presidenti serb dhe anëtari i Kryesisë së kësaj partie Aleksandar Vuçiç, deklaroi se “një e keqe e madhe mezi u shmang”, ndërsa rezultati tregoi se njerzit duhet të mblidhen pasi sipas tij, vendin nuk e presin kohëra të lehta.

“Do të them vetëm disa fjalë, se shpresoj që pas këtij procesi, disa njerëz do të ndalojnë persekutimin e kujtdo që mendon ndryshe. Me këto votime shmangëm një të keqe të madhe. Disa njerëz nxorën armë, ngacmuan dhe intimiduan njerëz të tjerë.”

Ai akuzoi edhe mediat që sipas tij u bënë palë me opozitën, për të ndryshuar rezultatin.

“Të respektosh vendimin e qytetarëve ëshët baza e veprimit politik demokratik në çdo vend normal të civilizuar në botë, por shpesh truri i njerëzve errësohet nga urrejtja dhe më pas ata nuk mund të dallojnë më se çfarë është e mirë dhe çfarë është e keqe”

Sipas analistëve, zgjedhjet e të dielës shënuan kulmin e të gjithë situatës politike në vend gjatë vitit të kaluar.

Lokalet në Serbi nuk mbahen gjithmonë njëkohësisht në të gjitha komunat. Ato organizohen kur u mbaron mandati secilës njësi.

The post Zgjedhje nën tension/ Vuçiç shpall fitoren pas krizës appeared first on Sot News | Lajme.