Zgjedhjet lokale në Francë, fitojnë konservatorët
Partia konservatore franceze UMP dhe aleatët e saj duket se janë renditur të parët në raundin e fundit të zgjedhjeve lokale në Francë. Sipas “exit poll”-eve, UMP-ja e drejtuar nga ish-presidenti Nikola Sarkozi do të sigurojë të paktën 65 këshilla vendore, më shumë nga sa ishte parashikuar.
Fronti Nacional i Mari Lë Pen ka shënuar gjithashtu fitore, ndërsa socialistët në pushtet dhe aleatët e tyre mund të humbasin rreth 30 departamente.
Këto zgjedhje konsiderohen si një test i rëndësishëm para zgjedhjeve presidenciale të vitit 2017. Parisi dhe Lioni, dy qytetet më të mëdha të Francës, u përjashtuan nga votimi i së dielës.
Sarkozy tha se votuesit kishin refuzuar masivisht politikat e pasardhësit të tij si president, Fransua Holond.
Kryeministri francez, Manuel Val, tha se ishte e pamohueshme që Partia Socialiste kishte humbur terren, pasi bastionet e socialistëve i kanë kaluar të djathtës.
Pjesëmarrja në zgjedhjet e së dielës ishte rreth 50%.
