Zgjedhjet në Dibër: Pa filluar numrimi i votave PS e PD shpallin fituesit!
Sapo janë mbydhur kutitë e votimit, pa ardhur ardhur materialet zgjedhore, pra pa filluar numrimi i votave, deputetja socialiste Blerina Gjylameti e cila ka qenë në terren në Dibër për të menaxhuar procesin zgjedhor, tha se fitorja e kandidatit të majtë gjendet në kutitë e votimit, Muharrem Rama do të dalë fitues. “Fitorja e kandidatit tonë është brenda kutive dhe këtë do ta dëshmojmë në fund të numërimit”, u shpreh Blerina Gjylameti. Deklarata e saj u bë rreth orës 19:45, vetëm pak çaste pasi ishte mbyllur procesi i votimit.
Reagon menjëhere kampi tjetër politik, ai i opozitës. Ashtu siç kampi i majtë sheh fitore në Dibër ende pa u numëruar asnjë votë, edhe demokratët janë entuziastë në fitoren e kandidatit të tyre. Zëdhënësja e Shtabit të Partisë Demokratike në Dibër, Irini Shehu, mjaft optimiste edhe në mimikën e saj, foli për fitoren e kandidatit të djathtë Sherefedin Shehu.
“Procesi ka vijuar i qetë pavarësisht skemës së blerjes së votave dhe veprime kriminale. Tani që procesi ka përfunduar me rëndësi është mbarëvajtja dhe numërimi. Nga informacionet paraprake ka fituar Sherefedin Shehu.”
E pyetur nga gazetarët më konkretisht për entuziazmin e deklaruar për fitoren e Shehut, zëdhënësja tha:
“Prisni dhe pak do ta tregojë vetë rezultati“.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.