Zhvillohet “Dita e Hapur” e stërvitjes “Luani shqiptar 2014”

Në Aeroportin e Ndëkombëtar  “Nënë Tereza”,  u zhvillua sot ,  “Dita e Hapur”, në kuadër të stëvitjes së përbashkët shqiptaro-britanike “Albanian Lion 2014”.
Të pranishëm në ceremoni ishin zv.ministri i Mbrojtjes, Dritan Hila, shefi i Shtabit të Përgjithshëm i FA-së, gjeneralmajor Jeronim Bazo, ambasadori i Mbretërisë së Bashkuar në Tiranë, Nicholas Cannon, gjeneralë dhe ushtarakë të lartë të FA-së, atashe ushtarakë të akredituar në vendin tonë, familjarë të ushtarakëve të FA-së, që marrin pjesë në stërvitjen e përbashkët shqiptaro-britanike “Luani shqiptar 2014″.
Familjarët e efektivave të Forcave të Armatosura që stërviten së bashku me trupat britanike janë njohur nga afër me mënyrën se si stërviten të afërmit e tyre.
Gjithashtu ata kanë parë nga afër edhe mjetet ushtarake me të cilat po zhvillohet stërvitja “Albanian Lion”, të cilat janë vendosur në aeroportin e Rinasit, si dhe kanë realizuar fotografi pranë tyre.
Në fjalën e tij, zëvendësministri i Mbrojtjes, Dritan Hila, falënderoi efektivat britanike dhe ato shqiptare që marrin pjesë në stërvitjen e përbashkët, si dhe të pranishmit e tjerë në këtë ceremoni.
Ai u shpreh se syimi i këtij aktiviteti është që ta afrojë publikun sa më afër Forcave të Armatosura.