Serbia refuzon të luajë me Kosovën

Politika përfshihet në sport, ndërsa Serbia refuzon të luajë me Kosovë në Kampionatin Ballkanik të volejbollit në plazh. Gjithçka po ndodh në Maqedoninë e Veriut, atje ku është duke u zhvilluar Kampionati Ballkanik i volejbollit në plazh për moshën deri në 22 vjeç për vajza.

Kosova ka marrë pikët në “tavolinë” për mosparaqitjen e Serbisë, ndërsa dyshja Yllka Jashari – Melirona Avdullahu dolën fituese. Ngjarjet e fundit në Veriun e Kosovës sjellin dhe këto refuzime në sport. Gjë që nuk i bëjnë mirë asnjë pale, ndërsa sporti duhet të shërbejë, ashtu sikurse ka misionin, për paqe. Shkurt, Kosova e nis ballkaniadën e volejbollit të plazhit me fitore në “tavolinë”.