21 Janari, Topi: Berisha vrau nga dritaret e Kryeministrisë, Rama i dobët para kundërshtarit

Kreu i Frymës së Re Demokratike Bamir Topi ka folur ashpër nga Elbasani për ngjarjen e 21 janari, duke hedhur akuza ndaj ish-kryeministrit Sali Berisha, i cili sipas tij “vrau nga dritaret e Kryeministrisë”.

Ish-kreu i shtetit, Topi tha gjithashtu se drejtësia ka dëshmuar se është instrumentalizuar nga politika.

“Askush nuk duhet të akuzojë drejtësinë, e akuzuar mbetet politika nga të gjitha krahët. Propozoj që politika t’i japë Berishës medalje trimërie. Berisha vrau nga dritaret e Kryeministrisë. Drejtësia dëshmon se është e instrumentalizuar nga politika. Kryeministri Rama është shumë i dobët para kundërshtarit të tij. S’është bërë gjyqi politik, të bëhet në Parlament”, ka thënë Topi